Policia polake ka vënë në pranga ish-ministrin e brendshëm dhe zëvendësministrin e brendshëm brenda pallatit presidencial në Varshavë në një ditë të paprecedentë zhvillimesh politike në vend.
Mariusz Kaminski dhe Maciej Wasik u dënuan me dy vjet burg muajin e kaluar për detyre për rolin e tyre kur drejtonin një zyrë kundër korrupsionit në 2007.
Pas arrestimeve, ministri i ri i Brendshëm Marcin Kierwinski shkroi në rrjetet sociale se: “Të gjithë janë të barabartë përpara ligjit”.
Të dy zyrtarët e arrestuar, të cilët u zgjodhën deputetë të partisë PiS në tetor, refuzuan të njihnin vendimin e gjykatës, sepse presidenti Andrzej Duda, një aleat i PiS, i fali ata për krimin në vitin 2015 dhe vijon të insistojë se falja e tij është ende e vlefshme.
Dyshes i janë hequr dhe mandatet parlamentare, por ata dhe presidenti Duda këmbëngulin se mbeten deputetë të zgjedhur për shkak të faljes.
Të hënën në mbrëmje, gjykata lëshoi një urdhër për policinë për të ndaluar Mariusz Kaminskin dhe Maciej Wasik. Pavarësisht kësaj, Duda i ftoi të dy në Pallatin Presidencial të martën për të marrë pjesë në një ceremoni.
Pas arrestimeve, disa qindra mbështetës të PiS-ve demonstruan jashtë pallatit në mbështetje të tyre.
Turma brohoriste: “Lironi të burgosurit politikë”, “Turp!”
“Ata hyjnë në pallatin presidencial dhe arrestojnë njerëz. Pallati Presidencial është i ngjashëm me një ambasadë! Njerëzit kërkojnë strehim nga shtypja, megjithatë dikush vë në dyshim faljen presidenciale. Kush është mbi Presidentin? Kjo qeveri, tani, duket se funksionon jashtë kufijve të ligjit”.
Kryeministri Donald Tusk tha në një konference për shtyp se situata ishte “e pabesueshme”. Ai u shpreh se vendimi i gjykatës duhet të respektohet, ndërsa akuzoi Presidentin Duda se po i ndihmonte deputetet të shmangin drejtësinë.
Koalicioni i Tusk mori detyrën muajin e kaluar duke u zotuar të zhbëjë ndryshimet e PiS në sistemin gjyqësor, media dhe shërbimin civil që Komisioni Evropian dhe shumë organe të tjera ndërkombëtare thonë se kanë minuar sundimin e ligjit në Poloni. Një nga veprimet e tij të para ishte reformimi i TV, radiove dhe agjencisë shtetërore të lajmeve që PiS e kishte shndërruar në një mjet propagandistik për qeverinë e tij.
The post Policia polake arreston dy deputetë brenda pallatit presidencial në Varshavë appeared first on American Eye.
