Policia e Kosovës, konkretisht njësitet patrulluese të drejtorisë rajonale kufitare në dy raste kanë hasur kur në mjete që dyshohet se kanë futur ilegalisht 57 krerë dele pa dokumentacion dhe gjashtë krerë lopë.
Sipas policisë, rastin i parë ka ndodhur rreth orës 17:10 në fshatin Ramijan në komunën e Vitisë dhe rasti tjetër në rrugën Viti – Pozharan, po ashtu në komunën e Vitisë.
“Bazuar edhe në analizën e riskut dhe informacioneve inteligjente të bëra nga ana e njësive të policisë kufitare është arritur të identifikohet automjeti kamionin e Mercedes Benz me targa kosovare të cilin e drejtonte i dyshuari mashkull kosovar me iniciale (H. K), viti i lindjes 1971”.
“Gjatë kontrollit zyrtaret policor kanë vërejtur se i dyshuari në rimorkio kishte të ngarkuar pesëdhjetë e shtatë (57) krerë dele për të cilat nuk posedonte kurrfarë dokumenti përkatës”, thuhet në njoftimin e policisë, transmeton Klankosova.tv.
“Në rrugën Viti-Pozhoran, komuna e Vitisë, është arritur të identifikohet automjeti kamionin e Mitsubish me targa kosovare të cilin e drejtonte i dyshuari mashkull kosovar me iniciale (M. B), viti i lindjes 1974. Gjatë kontrollit zyrtarët policor kanë vërejtur se i dyshuari në rimorkio kishte të ngarkuar gjashtë (6) krerë gjedhe (lopë) për të cilat nuk posedonte dokumente përkatëse”, ka bërë të ditur policia, përcjell Klankosova.tv.
Tutje, në njoftimin e policisë bëhet e ditur se këto raste janë në proces të trajnimit nga njësitet policore kufitare në bashkëpunim me Prokurorinë përkatëse, Inspektorët e AVUK-ut dhe Dogana e Kosovës.