Tri ndeshjet e fundit i ka nisur nga stoli, por me gjasë nesër do të jetë në fushë kundër Slavias së Pragës mes Milanin, në një ndeshje të vlefshme për 1/8-at e Ligës së Europës. Po flasim për Tizhani Reijndersin, i cili së fundmi ka nisur të dëgjojë sirena britanike për të disatën herë në karrierë.
“Maratonomaku” holandez ka përfunduar sërish në radarët e Mançester Junajtidit që po përgatit një ofertë prej 60 milionë eurosh për të bindur Milanin që ta lëshojë. Edhe pse prej vetëm disa muajsh në Itali, mesfushori ka treguar se di të jetë i dobishëm, përveç kilometrave të përshkuar që janë cilësia e tij kryesore.
Në fakt, Stefano Pioli e ka përdorur si mesfushor, si regjisor, por edhe si fantazist. Megjithëse i mungon goli (2 në këtë sezon), Reijnders ka fituar kombëtaren dhe është shquar për polivalencën e tij, çka i shtyn drejtuesit e Mançester Junajtidit të planifikojnë një ofertë 60 milionëshe për të siguruar shërbimet e tij.
PANORAMASPORT.AL
