Nga paraqitjet katastrofike të fillim sezonit te ato heroike të javëve të fundit. Nëse Juventus nuk njeh humbje prej 16 ndeshjesh meritë të padiskutueshme ka portiere Wojciech Szczesny.
Gardiani polak I bardhezinjve ka bërë të harrohen gafat e ndeshjeve të para të sezonit në Serinë A si ajo ndaj Udineses apo Napolit që i kushtuan pikë shumë të rëndësishme bardhezinjve ndërsa tani po shfaqet më vendimtar se kurrë me pritjet fantastike të penalltive. Ndaj Sampdoria Szczesny ndali 11 metërshin e tretë sezon, pritje të cilat kanë ndikuar drejtpërdrejt në sukseset e Juventus.
Ndaj Sampdorias polaku ndali Candrevan kur rezultati ishte 2-0 për Juventus ndërsa goli I mundshëm mund të kompromentonte rezultatin final në Luigi Ferraris. Portieri i Juventus ishte vendimtar edhe në fitoren 4-3 në Olimpico përballë Romës teksa i mohoi golin e barazimit Lorenzo Pellegrinit.
Në fazën e parë të sezonit, polaku ka qenë edhe njëherë I pakalueshëm përsëri ndaj Romës dhe konkretisht ndaj Veretout , kur Juventus fitonte 1-0 në Torino. Max Allegri ka arritur të kthejë portierin 31 vjeçar në formën e tij më të mirë ndërsa Szczesny me penalltitë e pritura këtë sezon e vendos veten në top 5 portierët më të mirë të shekullit të 21 sa i përket 11-metërshave.
Me 23 pritje Szczesny renditet pas Handanovic që mban vendin e parë me 38, Buffon, Diego Alves dhe Manuel Neuer. /oversport.tv