Drejtori i Zyrës Serbe për Kosovë në Qeverinë e Serbisë, Petar Petkoviq, i ka reaguar Blerim Velës, shefit të stafit të presidentes Vjosa Osmani, i cili tha se grupet kriminale që dirigjohen nga Beogradi po i detyrojnë serbët e Kosovës të marrin pjesë në tubimin e presidentit serb, Aleksandar Vuçiq.
Petkoviqi i tha Velës se “jeni bërë zëdhënës i opozitës serbe”, dhe se sipas tij, ai tregoi që Kurti e mbështet opozitën në Beograd.
“Objektivi i juaj është i njëjtë – presidenti Vuçiq dhe përfaqësuesit tanë në Kosovë, sepse luftojnë për interesat e popullit tonë”, tha Petkoviq, transmeton Klankosova.tv.
Ndërsa, Vela ia bëri një kundër-replikë, duke ia dërguar një fotografi të protestuesve në Beograd duke i thënë se “këta s’janë njerëzit ‘tuaj’ përderisa ata janë kundër jush, apo jo”.
*Klikoni KËTU për t’u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS
Vela: Vuçiq detyron serbët e Kosovës që t’i shkojnë në tubim
