Perspektiva Multietnike Evropiane e Kosovës (MEPK), me kryetar Radomir Dimiq, mirëpret vizitën e djeshme të kryeministrit të Kosovës, Albin Kurti, në veri të Kosovës dhe vlerëson si formulë për një mënyrë të mirë për të krijuar besimin e serbëve të Kosovës në sistemin e Kosovës, përkatësisht integrimin e plotë në sistemin social dhe politik.
“Në fakt, është detyrë e tij kushtetuese që të vizitojë bashkëqytetarët e tij, të kujdeset për problemet e tyre ekzistenciale dhe të punojë për zgjidhjen e tyre. Në fakt kjo është ajo që është e nevojshme për komunitetin serb, kur ata inkurajohen nga autoritetet e Kosovës dhe të çliruar nga frika për të jetuar, punuar dhe bashkëpunuar me fqinjët e tyre shqiptarë. Personalisht, mendoj se vizita e kryeministrit ka një rëndësi të madhe për të ndërtuar besimin e ndërsjellë dhe për të mos iu nënshtruar presioneve dhe propagandave të ndryshme nga jashtë”, thuhet në një komunikatë të kësaj organizate.
‘Meqë ra fjala, unë personalisht nuk e ndaj mendimin e disa individëve nga zyra e Serbisë për Kosovën se vizita e Albin Kurtit në komunat Leposaviq dhe Zubin Potok, para vazhdimit të dialogut në Bruksel, ishte ndonjë provokim apo se ngriti ndonjë tension”, ka theksuar Radomir Dimiq.
“Teza se Albin Kurti, si pushtues, ishte i padëshiruar për t’u vizituar, njësoj si çdo pjesë tjetër e Kosovës, për mua është e pabesueshme dhe po ashtu e papranueshme.
Kurti ka të drejtë dhe këtë e ka bërë në përputhje me të njëjtën Kushtetutë në të cilën Lista Serbe është betuar se do të mbrojë integritetin territorial dhe sovranitetin e Kosovës”.
“Prandaj, besoj se reagimi i zyrës për Kosovën në Beograd është më shumë për përdorim të brendshëm politik, si fushatë para zgjedhjeve për kryeqytetin e Serbisë, kështu që kjo tiradë, jo për asgjë, nuk është hera e parë, që serbët e Kosovës dhe vetë Kosova i shërbejnë vetëm interesave politike dhe luftës për pushtet, të aktorëve të ndryshëm”, theksohet në komunikatën e nënshkruar nga Dimiq.
