Izraeli ka sulmuar me raketa Sirinë këtë të dielë, në përgjigje të sulmeve që bënë ndaj njëri-tjetrit së fundmi.
Pas raketave që Siria hodhi në Rrafshnaltën e Golanit, izraelitët nuk kursyen përgjigjen e cila ndodhi në pot ë njëjtën mënyrë.
Sulmet hakmarrëse të Izraelit për raketat e hedhura nga Siria, përgjegjësinë për të cilat nuk e ka marrë ende askush, paraqesin episodin e fundit të përshkallëzimit të dhunës në rajon.
Ushtria e Izraelit raportoi se gjashtë raketa u lëshuan drejt Izraelit mbrëmjen e së shtunës, dy prej tyre goditën Rrafshnaltën e Golanit.
Rritja e dhunës vjen në kohën kur myslimanët janë në Muajin e shenjtë të Ramazanit dhe hebrenjtë e të krishterët festojnë Pashkët.
Më herët gjatë javës, policia izraelite pengoi lutjet në xhaminë Al-Aksa, vendin e tretë më të shenjtë të myslimanëve, duke i dhunuar.
Një ditë më vonë, 34 raketa u lëshuan nga territori i Libanit drejt Izraelit, për të cilat ky i fundit fajësoi grupet palestineze.
Të dyja palët kanë vijuar kundërpërgjigjen me raketa, ndërsa disa prej tyre janë kapur nga sistemi i mbrojtjeve raketore.
Në zonat e prekura raketat lanë pas kratere në rrugë dhe dëmtuan automjete e ndërtesa të shumta.
Top Channel
