Tifozët dhe koleksionistët e botës së futbollit janë me fat dhe tashmë po presin me padurim ankandin e një objekti historik që ndryshoi përgjithmonë historinë e Barcelonës dhe karrierën e futbollistit të saj më unik: Lionel Mesi.
Peceta e famshme mbi të cilën Mesi, në moshën 13 vjeçare, shkroi kontratën e tij të parë me Barcelonën më 14 dhjetor 2000, siç zbulohet nga “La Vanguardia”, do të dalë në ankand në “Bonhams”, një shtëpi prestigjioze ankandesh britanike ndërmjet datave 18 dhe 27 mars të këtij viti.
Çmimi i parashikuar i shitjes pritet të jetë midis 300 mijë dhe 500 mijë stërlina. Kjo pjesë historike është ruajtur me kujdes në një kasafortë, nën kujdesin e Horacio Gaxhiolit, përfaqësuesit të Mesit në atë kohë.
PANORAMASPORT.AL
