Partizani nuk po shkëlqen këtë sezon, madje kur po mbërrijmë drejt fundit të sezonit, “të kuqtë” rrezikojnë të arrijnë edhe objektivat minimalë të klubit: pjesëmarrjen në Kupat e Europës sezonin e ardhshëm.
Pas eliminimit nga Kupa e Shqipërisë përballë Vllanisë, rruga e vetme për të siguruar Europën është kampionati, por edhe aty “demat” nuk po shkëlqejnë dhe pas barazimit përballë Skëndërbeut në fundjavë është komplikuar arritja e vendit të tretë (bileta e fundit për në Kupat e Europës).
Këto rezultate të dobëta duket se kanë mërzitur drejtuesit e klubit, që sipas asaj që shkruan “Panorama Sport” kanë vendosur të gjobisin skuadrën me një rrogë mujore.
Drejtuesit kërkojnë që skuadra të reagojë në javët e mbetura, sepse nëse nuk arrihet objektivi Europë, atëherë sezoni do të ishte totalisht i dështuar. / Oversport.tv
Foto: FK Partizani Albania Facebook