ISLAMABAD, 3 mars /ATSH-DPA/- Parlamenti i Pakistanit zgjodhi sot Shehbaz Sharif si kryeministrin e ri të vendit.
Shehbaz, një kandidat i përbashkët i të paktën gjashtë partive politike, siguroi 201 vota në Asamblenë Kombëtare prej 336 anëtarësh.
“Shehbaz Sharif shpallet kryeministër i Pakistanit”, njoftoi kryetari i Asamblesë Kombëtare Sardar Ayaz Sadiq pas transmetimit të drejtpërdrejtë të zgjedhjeve nga media lokale.
Kandidati i mbështetur nga ish-kryeministri Imran Khan mori 92 vota.
Një kandidati i nevojiten 169 vota në Dhomën e Ulët të parlamentit prej 336 anëtarësh për t’u zgjedhur si kryeministër.
Shehbaz Sharif është kreu i Lidhjes Muslimane të Pakistanit-Nawaz (PML-N) dhe vëllai më i vogël i ish-kryeministrit të zgjedhur tre herë, Nawaz Sharif. /a.i/
