OSLO, 13 dhjetor /ATSH-DPA/ – Presidenti ukrainas Volodymyr Zelensky i ka bërë thirrje kryeministrit hungarez Viktor Orbán të justifikojë kundërshtimin e tij ndaj aspiratave të Ukrainës për t’u anëtarësuar në BE.
Gjatë një takimi të fundit në Argjentinë, ai i tha Orban drejtpërdrejt se nuk kishte arsye për të bllokuar anëtarësimin e Ukrainës në BE.
Zelensky i kërkoi Orban të tregonte arsyet e refuzimit të tij.
“Unë jam duke pritur një përgjigje,” tha Zelensky.
Orban, i cili ka lidhje miqësore me Moskën, ka kërcënuar të bllokojë shpresat e Kievit për një fillim të hershëm të bisedimeve të pranimit me Bashkimin Evropian.
Ukrainës iu dha statusi i kandidatit për anëtarësim në BE në vitin 2022.
Çështja e nisjes zyrtarisht të bisedimeve të pranimit do të diskutohet në samitin vendimtar dyditor të BE-së në Bruksel nga e enjtja.
Një shumicë e madhe e qeverive të BE-së janë në favor të avancimit të anëtarësimit të Ukrainës, por kërkohet një vendim unanim që bisedimet e pranimit të hapen. //a.i/