Gentian Selmani i është nënshtruar një operacioni në gju pas dëmtimit që pësoi në ndeshjen kundër Besiktas.
Portieri i skuadrës së Tiranës ka bërë një postim në rrjetet sociale duke treguar se gjithçka ka shkuar mirë. “Faleminderit Zotit. Operacioni ditën e djeshme shkoi mirë. Shumë faleminderit të gjithë, ju miq për mesazhet dhe mbështetjen”, shkruan portieri në rrjetin e tij social.
Në këtë mënyrë aventura e tij tek bardheblutë ka filluar në një mënyrë jo të mirë duke humbur kështu të gjithë këtë vit kalendarik 2023 dhe kjo është e sigurt, ndërkohë që pritet të kthehet në muajin janar ndoshta në stërvitje.
Një humbje e madhe padyshim edhe për nënkampionët e Shqipërisë që duhet të bëjnë planet pa Selmanin në skuadër, por që do t’i besojnë një veteran si Ilion Lika dhe dy djemve të rinj të ardhur nga ekipet e moshave.
Top Channel
