Gjatë spektaklit të së shtunës së kaluar Nita pati mundësinë që të hapte “Kutinë e Pandorës”, që siç dihet në të ka dy zarfe, një të bardhë dhe një të zi.
Zarfi i zi i jepte mundësinë Nitës të dërgonte në televotim dy çifte, duke qenë se banorët ishin ndarë dyshe-dyshe nga Keisi që ishte lidere e javës së kaluar, për të kryer një sfidë. Nita zgjodhi çiftin Kiara-Olta dhe Kristi-Qetsor.
Televotimi u hap të shtunën dhe sot publiku vendosi! Mes çifteve Qetsor – Kristi dhe Olta – Kiara, këto dy të fundit do të përballen në një nominim kokë më kokë me njëra-tjetrën të shtunën.
Madje, për të qenë transparent me të dyja çiftet, Vëllai i Madh vendosi që grafiku i votimeve të shfaqej në ekran, në dhomën e ndenjes. 86 përqind e publikut votuan për Oltën dhe Kiarën, ndërsa 14 përqind për Kristin dhe Qetsorin.
