Dhjetë gola të pësuar në 21 javët e para të kampionatit: Interi është bunkeri i Europës. Askush në pesë kampionatet kryesore të “Kontinentit të Vjetër” nuk ka një fazë mbrojtëse aq efektive sa ajo e skuadrës së Inzagit, të cilët janë shumë të zotë në ndërtimin e një ekipi të aftë për të fituar edhe përmes vuajtjeve.
Në Firence, Juventusi kishte marrë tre pikët në të njëjtën mënyrë (1-0) dhe domethënëse. Një javë para derbit të Italisë, zikaltrit kaluan skuadrën e Alegrit me një sukses të ngushtë në “Franchi”. Kjo është arsyeja pse të dielën, në natën kur Lautaro konfirmoi gjithnjë e më shumë veten si golashënuesi më i mirë i kampionatit dhe iu bashkua Ikardit në renditjen e golashënuesve më të mirë në historinë e klubit (124 gola), shkëlqeu mbi të gjitha Zomer dhe prapavija e zikaltërve.
PORTË E PAPREKUR – Po thoshim që kanë më pak gola të pësuar se kushdo tjetër në pesë kampionatet kryesore europiane (duke e zgjeruar diskutimin në kampionate të tjera, PSV ka bërë më mirë në Eredivisie me 8 gola të pësuar, por në 19 ndeshje) dhe gjithashtu më shumë ndeshje pa pësuar një gol: me ndeshjen kundër Fiorentinës u bënë 13 ndeshje pa pësuar, një më shumë se Juventusi dhe Nisa dhe dy më shumë se Lila.
Megjithatë, nëse numërohen të gjitha ndeshjet e sezonit, rrjetat e pastra të zikaltërve rriten në 18 në 30 ndeshje zyrtare. Janë shifra që konfirmojnë se faza mbrojtëse e Interit është një siguri më shumë për skuadrën zikaltër. Kjo falë sakrificës së të gjithëve në fazën e moszotërimit (përfshirë Turamin dhe Lautaron), aftësisë së individëve në markim (një tjetër super performancë e Pavari në Firence), por edhe pritjeve të Zomerit, protagonistit absolut me një ndërhyrje të vështirë në pjesën e parë ndaj Bonaventurës dhe mbi të gjitha me penalltinë e neutralizuar ndaj Niko Gonzalezit në minutën e 77-të. Në kampionat, pra, golat e pësuar nga Interi në pesëmbëdhjetë minutat e fundit mbetën zero. Jo keq…
PANORAMASPORT.AL
