Ish-kapiteni i kombëtares ruse të futbollit ka ndërmarrë hapin e jashtëzakonshëm duke u shprehur kundër luftës.
Igor Denisov i tha gazetarit Nobel Arustamyan se ai e dënoi pushtimin dhe pranoi se kishte regjistruar një video ku i bënte thirrje Vladimir Putinit t’i jepte fund luftës, por që asnjë media nuk e kishte publikuar atë.
“Këto ngjarje janë katastrofike. Është e tmerrshme. Nuk jam i sigurt nëse do të burgosem apo do të vritem për këtë, por po e them ashtu siç është,” tha ai.
Ai vazhdoi: “Kam ende pak frikë, por nuk po fshihem. Nuk po shkoj askund se nuk dua. Si mund të hesht?”
Denisov, i cili ende jeton në Rusi, ishte kapiten i ekipit kombëtar rus në vitin 2012.
©Rruga Press
