Kandidatja për kryetare të Deçanit nga radhët e Partisë Demokratike të Kosovës, Ardiana Qorraj, thotë se nuk beson në sondazhe. Ajo shpjegon se sondazhet e marrin një njësi matëse të caktuar dhe se qytetarëve u duhet edhe dita e fundit që të përcaktohen se kë të votojnë.
“Nuk kem ba sondazhe, sondazhin më të mirë ia lëmë popullit ditën e diele me datën 17, jam subjekti i vetëm në komunë që nuk kam bërë sondazh dhe nuk besoj në sondazhe. Besoj që njerëzve ju duhet deri në ditën e fundit të përcaktohen se kush është më i miri, që jep platformën më të mirë zgjedhore.” U shpreh Qorri, e ftuar në emisionin Edicioni Zgjedhor të Klan Kosovës.
Kandidatja për të parën e Deçanit gjithashtu thotë se nuk i beson as matjet që e paraqesin Bashkim Ramosaj si fitues të zgjedhjeve, sepse sipas saj ai që nga helmimi i ujit, i ka lënë deçanasit në mjegull nëse duhet konsumuar uji.
“Është uji i pijes i cili është një ndër brengat më të mëdha të shumicës së fshatrave në komunën tonë, pastaj është rrjeti i ujërave të zeza si problem i cili duhet të adresohet. Është rruga tranzit e cila do të zgjidhet në vitin e parë të drejtimit tonë, mandej problem tjetër vazhdon të shfaqet pastrimi dhe mirëmbajtja e rrugëve të bjeshkëve, është një problem i cili jua pamundëson banorëve tonë ta kenë një zhvillim të mirëfilltë të bujqësisë, blegtorisë e të tjera.”
Tutje ajo tregon se është e rëndësishme të bëhet lista esenciale e barnave, sepse sipas saj ka mungesë të theksuar të barnave të kësaj liste në komunë.
“Zhvillimi i arsimit më tutje, është një numë ri caktuar i shkollave të cilat asnjëherë nuk e kanë pas një zhvillim ose mirëmbajtje të duhur, pastaj e kemi rikonstruimin e rrugës së qendrës, e cila është ba dhe është ba gabim, me neve do të rikonstruohet krejtësisht e gjithë qendra e rrugës.”
Ajo thekson edhe që premtimi për bursa të përvitshme për studentë nuk është respektuar, dhe se ka pasur vetëm këtë vit, pasiqë është vit zgjedhorë.
