NJU JORK, 13 prill /ATSH- ANSA/ – Gazeta ‘’Wall Street Journal’’ raporton se Shtetet e Bashkuara kanë vendosur anije luftarake në pozicione për të mbrojtur jo vetëm Izraelin, por forcat e veta në Lindjen e Mesme.
Kjo masë ndërmerret mes shqetësimeve në rritje se Irani mund të nisë një sulm të drejtpërdrejtë ndaj shtetit hebre.
Shtetet e Bashkuara presin që Irani të kryejë sulme kundër objektivave të shumta brenda Izraelit dhe se operacioni mund të përfshijë aleatët e Teheranit.
Lajmi u bë i ditur nga një zyrtar i lartë i administratës Biden dhe një burim i afërt me inteligjencën amerikane. /os/
