NJU-JORK, 22 mars /ATSH-DPA/- Këshilli i Sigurimit i OKB-së nuk ka arritur të miratojë sot rezolutën që bën thirrje për një armëpushim në luftën midis Izraelit dhe Hamasit pasi Rusia dhe Kina vendosën veton ndaj saj.
Nëse rezoluta do të ishte miratuar, kjo do të ishte hera e parë që nga fillimi i operacionit ushtarak izraelit kundër organizatës islamike palestineze Hamas, që organi më i fuqishëm i OKB-së do të kishte arritur një armëpushim të qëndrueshëm në Rripin e Gazës.
Që nga shpërthimi i konfliktit më 7 tetor, Uashingtoni, aleati më i ngushtë i Izraelit, ka kundërshtuar termin “armëpushim” dhe ka vënë veton për tre rezoluta përkatëse në Këshillin e Sigurimit, organi më i fuqishëm i OKB-së.
Megjithatë, duke pasur parasysh numrin në rritje të viktimave civile dhe kërcënimin e urisë në Rripin e Gazës, SHBA-ja tani po rrit presionin ndaj Izraelit. //a.i/
