Ambasadori amerikan në Hungari deklaroi se Shtetet e bashkuara besojnë se së shpejti Suedia do të jetë anëtare e NATO-s.
“Unë jam siguruar vazhdimisht në nivelet më të larta të kësaj qeverie se Hungaria nuk do të jetë e fundit për të ratifikuar pranimin e Suedisë në NATO”, tha ambasadori David Pressman.
Anëtarësimi i Suedisë në NATO është ende në pritje të ratifikimit nga Turqia dhe Hungaria. Marrëdhëniet midis Budapestit dhe Uashingtonit janë acaruar për shkak të zvarritjes së Hungarisë për ratifikimin e pranimit të Suedisë në NATO, gjithashtu edhe për lidhjet e ngrohta të kryeministrit Viktor Orban me Moskën, pavarësisht luftës në Ukrainë.
Turqia fillimisht ngriti kundërshtime për të miratuar ofertën e Suedisë, duke e akuzuar vendin për strehimin e militantëve kurdë dhe grupeve të tjera që Ankaraja i konsideron kërcënime sigurie.
Pavarësisht se ai pranoi se ai priste që Suedia të bënte më shumë për të luftuar militantët, Presidenti i Turqisë Recep Tayip Erdogan e paraqiti projektligjin në parlament për ratifikim tre javë më parë.
Një nga arsyet e deklaruara të Vladimir Putin për pushtimin e Ukrainës ishte ndërtimi i NATO-s në ose afër kufijve të Rusisë. Lufta vetëm sa e ka rritur atë grumbullim, me Finlandën që u bë anëtare në prill të këtij viti.
Top Channel
