Është konstituuar edhe komisioni i dytë hetimor parlamentar që do të merret me energji.
Nisma e propozuar nga Lëvizja Vetëvendosje do të merret me zhvillimet në këtë sektor që nga 2006-ta e këndej, teksa ai i opozitës heton vetëm krizën energjetike të dimrit të fundit, njofton Klan Kosova.
Armend Muja nga VV i prezantoi temat e synuara për trajtim. Kurse Armend Zemaj i LDK-së kërkoi precizim dhe ngushtim të temave.
Deputetët, me propozim të kryesuesit Hajdar Beqa, u morën vesh të takohen javën e ardhshme për ta përpiluar planin e punës.
Ky komision hetimor ka mandat gjashtë muaj. Më pas duhet t’ia dorëzojë Kuvendit një raport të detajuar me gjetjet.
