Një arritje historike mjekësore u arrit nga mjekët e Institutit Mjekësor të Zemrës në Universitetin e Uashingtonit, të cilët kryen transplantin e parë të dyfishtë të zemrës-mëlçisë tek një pacient.
Sipas Interesting Engineering, gruaja, një paciente nga Seattle, u shpëtua falë një transplanti të dyfishtë, një procedurë e kryer rrallë në të kaluarën. Sidomos rasti i Adriana Rodriguez, nga Bellinghami i Uashingtonit, konsiderohet të shënojë histori, pasi transplanti zemrës dhe mëlçisë njwkohwsisht nuk i janë kryer asnjëherë një pacienti të vetëm.
Mjekët zgjodhën këtë procedurë komplekse mjekësore, sepse kishte një “shans jashtëzakonisht të lartë” që trupi i Rodriguez të mos ishte në gjendje të mbante zemrën e transplantuar. Transplantimi i dyfishtë mbështetet në konceptin e imuno-mbrojtjes, i cili lejon mëlçinë e donatorit të nxisë imunombrojtje në zemrën e transplantuar.
Rodriguez u diagnostikua më 7 dhjetor 2022 me një diseksion të një arterie koronare. Gjendja ndodh kur një arterie brenda zemrës çahet papritmas, duke shkaktuar formimin e një mpiksje gjaku.
Megjithëse mjekët fillimisht u përpoqën ta trajtonin problemin duke parandaluar formimin e mpiksjes dhe duke mbajtur gjakun të rrjedhë, gruaja u dërgua në UW Medicine, ku u konstatua se gjendja i kishte shkaktuar “dëmtim të gjerë e të përhershëm në zemrën e saj”.
Operacioni zgjat 17 orë. Së pari, ajo iu nënshtrua një transplanti të mëlçisë nga një dhurues, për të zvogëluar shanset që trupi i saj të refuzojë zemrën e tij. Së dyti, mëlçia e saj e shëndetshme u transplantua te një paciente me sëmundje të avancuar të mëlçisë.
Deri më tani, mekanizmi i saktë me të cilin mëlçia e një dhuruesi mund të sigurojë imunombrojtje për të ruajtur zemrën e një dhuruesi mbetet disi një mister.
Ky operacion i ndërlikuar u sugjerua nga Dr. Xin Lin, një kardiolog në institut. Dr. Lin ishte i bindur se procedura do të ishte e suksesshme, por gjetja e donatorëve të përshtatshëm ishte një sfidë. “Ajo i plotësonte të gjitha kriteret për një transplantim, por antitrupat e saj (për antigjenet e dhuruesve të organeve) ishin më të lartat që kemi parë ndonjëherë”, tha Dr. Lin, duke shtuar se përpjekja për të gjetur një donator të përputhshëm ishte si të fitonit lotarinë.
Më në fund, më 14 janar, LifeCenter Northwest njoftoi UW Medicine se një mëlçi dhe zemër ishin bërë të disponueshme nga një donator i vdekur.
Gjatë operacionit, së pari u transplantua mëlçia dhe më pas zemra. Në të njëjtën kohë, mëlçia e Rodriguez u transplantua në një pacient tjetër.
Gjashtë muaj pas transplantit të saj të suksesshëm të dyfishtë, Rodriguez shprehu mirënjohjen e saj për kujdesin e ofruar nga mjekët, kirurgët, të cilët menduan se si ta shpëtonin atë, infermierët, të cilët bënë gjithçka për ta bërë atë të ndihej rehat dhe të gjithë ata që u morën me të.
“Unë lutem që asnjë grua tjetër të mos kalojë nëpër këtë, por shpresoj se situata ime mund t’u sjellë dobi atyre dhe t’u japë shpresë,” tha ajo.
Top Channel
