Për herë të parë që nga nisja e agresionit rus në Ukrainë, NATO është duke u përgatitur për të zhvilluar stërvitjen më e madhe në histori, ku simulohet sulmi ndaj një anëtari të aleancës.
“Air Defender 2023” është faturuar si një shfaqje force për Rusinë, me rreth 10 mijë pjesëmarrës dhe 250 avionë nga 25 vende.
Suedia, e cila shpreson të bashkohet me aleancën, dhe Japonia po marrin pjesë gjithashtu në stërvitje. Avionët e parë u ngritën mëngjesin e sotëm nga fushat ajrore në veri të Gjermanisë.
Vetëm SHBA po dërgon 2000 personel të Gardës Kombëtare Ajrore dhe rreth 100 avionë.
Përpara stërvitjes, ambasadorja e SHBA-së në Gjermani, Amy Gutmann tha: “Do të isha shumë e befasuar nëse ndonjë lider botëror nuk do të merrte parasysh atë që tregon ky stimulim për sa i përket frymës së kësaj aleance, që do të thotë forcën e kësaj aleance. Dhe kjo përfshin zotin Putin”.
Gjenerali Michael Loh, drejtor i Gardës Kombëtare Ajrore të SHBA, tha se stërvitja shkon përtej parandalimit.
“Kjo ka të bëjë me vendosjen tani se çfarë do të thotë të shkosh kundër një fuqie të madhe, në një konkurrencë të fuqisë së madhe,” tha ai.
Operacioni do të zhvillohet deri më 23 qershor.
Top Channel
