Vedat Muriqi do të mungojë në dy ndeshjet e ardhshme të Mallorcas, ka bërë të ditur të hënën trajneri i skuadrës spanjolle. Muriqi ka shumë javë që i mungon skuadrës elitare të Spanjës. Ai nuk do të jetë as të martën në ndeshjen për Kupë ndaj Tenerifes e po ashtu në ndeshjen e 20 janarit ndaj Villarrealit. Do të jetë i grumbulluar për ndeshjen e 27 janarit ndaj Betisit, ka njoftuar Javier Aguirre në konferencën për shtyp të mbajtur të hënën.
“Sot bëri diçka më shumë se ditët e kaluara. Për ndeshjen me Villarrealin nuk është e mjaftueshme. Ndaj Betisit në shtëpi, më 27 janar, ai do të jetë aty. Në stol më 27, apo nuk do të luaj deri në shkurt”, ka theksuar Aguirre.
Muriqi është mungesë e madhe e Mallorcas. Ai u lëndua duke luajtur për Kosovën më 12 nëntor.
