MOSKË, 11 gusht /ATSH-DPA/ – Disa ditë pas një shpërthimi në një fabrikë që dyshohet se punonte për industrinë ruse të armëve, tetë persona janë ende të zhdukur.
Shpërthimi ndodhi në fabrikën Optiko-Mekanike të Zagorskit, prodhues i mjeteve piroteknike dhe pajisjeve optike precize për ushtrinë, në qytetin Sergiyev Posad rreth 70 kilometra në veri-lindje të kryeqytetit rus, Moskë.
“Shumica e punës së pastrimit të rrënojave në fabrikë ka përfunduar”, tha administrata e qytetit në Telegram.
Sipas informacioneve zyrtare, shpërthimi i së mërkurës në Sergiyev Posad ndodhi në një magazinë ku ruheshin lëndët piroteknike në ambientet e fabrikës. Gabimi njerëzor u raportua si shkaku zyrtar i shpërthimit.
|Zyra e prokurorit publik kërkoi sot një urdhër arresti për drejtorin e kompanisë së fishekzjarrëve”, njoftoi agjencia e lajmeve TASS.
Një hetim nga faqja e pavarur e lajmeve Agentstvo raportoi se impianti optiko-mekanik ishte i përfshirë në zhvillimin e një avioni të ri luftarak rus.
Fabrika gjithashtu prodhon pajisje optike për përdorim ushtarak.
Autoritetet ruse konfirmuan vdekjen e një gruaje dhe më shumë se 80 të plagosurve. //a.i/
