MOSKE, 8 prill /ATSH-DPA/- Moska zyrtare deklaroi se do të kërkonte tregje të reja për qymyrin e saj pasi Bashkimi Evropian njoftoi planet për të ndaluar importet nga Rusia në përgjigje të pushtimit të Ukrainës nga Kremlini.
“Qymyri mbetet një mall shumë i kërkuar. Dorëzimi i qymyrit do të devijohet në tregje të tjera në varësi të mënyrës se si Evropa redukton konsumin e saj,” tha zëdhënësi i qeverisë ruse Dmitry Peskov për agjencinë e lajmeve Interfax.
Të enjten, 27 shtetet e BE-së dhanë mbështetjen e tyre për raundin e pestë të sanksioneve kundër Rusisë, duke përfshirë ndalimin e importeve të qymyrit, drurit dhe vodkës.
Japonia njoftoi një ndalim të ngjashëm të premten.
Sanksionet e fundit erdhën pasi dolën prova se ushtria ruse kreu një masakër të qindra civilëve në Bucha, një qytet jashtë kryeqytetit, duke nxitur thirrje për hetime për krimet e luftës.
Zyrtarë të lartë të BE-së thanë se një ndalim total i importeve të karburanteve fosile mund të pasojë nëse Rusia vazhdon të sulmojë fqinjin e saj. /os/