MOSKË, 3 shkurt /ATSH-DPA/- Argjentina ka nisur bisedimet me Rusinë për të reduktuar varësinë e saj ekonomike nga Shtetet e Bashkuara dhe Fondi Monetar Ndërkombëtar (FMN).
“Ne duhet të hapemi me vendet e tjera dhe Rusia mund të luajë një rol të rëndësishëm në këtë,” tha presidenti argjentinas Alberto Fernández gjatë një takimi me presidentin rus Vladimir Putin sot në Moskë
Ai gjithashtu i ofroi Putinit ndihmë në rritjen e aksesit të Rusisë në tregun e Amerikës Latine.
Buenos Aires së fundmi ra dakord të shlyente kreditë prej rreth 44 miliardë dollarësh për FMN-në, pas disa muajsh negociatash. Argjentina ka shumë borxhe ndaj fondit dhe marrëdhëniet mes tyre janë të tensionuara. Shumë persona në Argjentinë fajësojnë FMN-në për vështirësitë sociale pasi shteti falimentoi në fillim të viteve 2000.
Në takimin në Moskë, Fernández falënderoi Putinin për furnizimin e vaksinave gjatë fazave të hershme të pandemisë, kur fushata e vaksinimit të Argjentinës mbështetej pothuajse ekskluzivisht në vaksinën ruse Sputnik V.//a.i/