TIRANË, 28 shkurt /ATSH/- Aktivisti rus i të drejtave të njeriut Oleg Orlov është burgosur për “diskreditim të përsëritur” të forcave të armatosura ruse duke protestuar kundër luftës në Ukrainë.
Bashkëkryetari i organizatës fituese të çmimit Nobel për Paqe “Memorial”, u dënua me dy vjet e gjysmë burg, përpara se të nxirrej nga salla e gjyqit në pranga.
Orlov u akuzua pasi mori pjesë në demonstratat kundër luftës dhe shkroi një artikull me titull “Ata donin fashizëm. Ata e morën atë”, në 2022.
Fillimisht ai u gjobit, por një rigjykim u urdhërua pasi prokurorët u ankuan se dënimi ishte shumë i lehtë.
“Ata e morën me pranga, të shoqëruar nga dhjetëra policë me fytyra të mbuluara dhe qen me zinxhirë.
Oleg Orlov, fytyra historike e disidencës ruse, bashkëthemelues dhe president i OJQ-së Memorial, fituese e çmimit Nobel për Paqen, të ndaluar nga autoritetet, u dënua me dy vjet e gjysmë burg.
Një burrë 70-vjeçar, me syze, flokë të bardha dhe mustaqe, trajtohet si krimineli më i rrezikshëm pasi ka shkruar një tekst kundër ofensivës ruse në Ukrainë.
Agjentët e gjykatës Golovinsky në Moskë nuk humbën kohë. Ata i vunë prangat në kyçet e dorës dhe e morën me vete duke kaluar mes mbështetësve që e duartrokisnin”, sipas të përditshmes italiane “La Repubblica”. //a.i/
