Çokollata është një nga ushqimet e preferuara për shumë njerëz. Por janë disa gjëra që duhet të dini rreth këtij ushqimi. Nëse nuk e hamë çokollatën, ndodh që ta fusim e ta ruajmë në frigorifer. E ndërsa shmangim mbajtjen jashtë frigoriferit për shkak të ndryshimeve të temperaturës, nuk është një vendim shumë i mirë, sepse në frigorifer mund të marrë njolla të bardha dhe të humbasë shijen.
Çokollata duhet të ruhet jashtë frigoriferit, në një vend të freskët dhe të errët për t’i ruajtur asaj shijen. Temperatura ideale është nga 18 deri në 21 gradë Celsius, sepse atëherë nuk është shumë e nxehtë për t’u shkrirë, dhe as shumë e ftohtë, si në frigorifer, për të humbur shijen.
Sa i përket kohës së ruajtjes së çokollatës, nëse jeni një person që nuk e hani të gjithën menjëherë, mund ta ruani dhe do të zgjasë deri në disa muaj pas datës së skadencës. Kjo datë është vetëm një vlerësim i përafërt, dhe çokollata zakonisht zgjat shumë më gjatë për shkak të flavonoideve që parandalojnë oksidimin e yndyrës.
Çokollata e zezë ruan cilësinë e saj për kohën më të gjatë, deri në një vit pas datës në etiketë, qumështi deri në gjashtë muaj dhe e bardha vetëm disa muaj.
