Japonia u detyrua të hidhte në erë raketën e saj të re gjatë një lëshimi të dështuar ditën e sotme.
Agjencia hapësinore duhej të dërgonte një komandë vetëshkatërruese në raketën H3, të udhëhequr nga SpaceX e Elon Musk, kur motori i saj i fazës së dytë pati probleme disa minuta pas ngritjes.
Vëzhguesit deklaruan se kjo është një pengesë e rëndësishme për Agjencinë Japoneze të Kërkimit të Hapësirës Ajrore (Jaxa).
Raketa H3 është raketa e parë me ngritje mesatare e projektuar nga Japonia, në tre dekada. Ai është paraqitur si një alternativë më e lirë ndaj Falcon 9 të SpaceX për lëshimin e satelitëve komercialë dhe qeveritarë në orbitën e Tokës.
Inxhinierët kishin synuar të dërgonin raketën 57 m në hapësirë me një satelit monitorues në bord. Sistemi ALOS-3 është i aftë të zbulojë lëshimet e raketave të Koresë së Veriut.
Sipas BBC, Jaxa raportoi se menjëherë pas nisjes, inxhinierët u detyruan të dërgonin një kërkesë vetë-shkatërruese në H3 pasi ai përjetoi “shpejtësi të reduktuar” në fazën e dytë të lëshimit.
Nisja e së martës erdhi pas një lëshimi të ndërprerë në shkurt, kur raketa nuk arriti të dilte nga platforma e lëshimit për shkak të përforcuesve të gabuar të raketës.
“Ndryshe nga anulimi dhe shtyrja e mëparshme, këtë herë ishte një dështim i plotë. Kjo do të ketë një ndikim serioz në politikën hapësinore të ardhshme të Japonisë, biznesin hapësinor dhe konkurrencën teknologjike”, u shpreh se Hirotaka Watanabe, një profesor i politikave hapësinore në Universitetin e Osakës.
Ministrja japoneze e shkencës Keiko Nagaoka tha se autoritetet do të hetojnë shkakun e mosfunksionimit të motorit. Njëkohësisht kërkoi falje për situatën që u krijua.
Japonia e kishte paraqitur H3 si një alternativë të qëndrueshme komerciale ndaj raketës Falcon 9, sepse H3 punonte me një motor me kosto më të ulët me pjesë të printuara në 3D.
Nëse misioni do të kishte sukses, Jaxa do të lëshonte H3 rreth gjashtë herë në vit për dy dekadat e ardhshme.
Top Channel
