Një djalë tre vjeçar me autizëm u shpëtua nga shinat ndërsa një tren po afrohej.
Inxhinieri i lokomotivës William Kennedy po drejtonte një tren në drejtim të jugut në hekurudhën Metro-North, kur pa një objekt në distancë dhe kuptoi se një fëmijë i vogël ishte në shinat e drejtimit verior.
“Ka një fëmijë të vogël në veri djema, ai sapo doli nga një mur,” mund të dëgjohet duke thënë dikush në një video, të publikuar nga Autoriteti i Transportit Metropolitan (MTA) të martën.
Treni për në veri, i drejtuar nga inxhinieri i lokomotivës Shawn Loughran së bashku me një praktikant, vazhdoi të ecte me një ritëm të ngadaltë ndërsa ata po kërkonin për fëmijën.
Ndihmësi i dirigjentit Marcus Higgins u hodh me pas në shina dhe vrapoi 40 metra përpara trenit dhe kapi djalin dhe e sjelli në bord.
“Në momentin kur shihni një fëmijë në këtë situatë, instinkti juaj i parë është të siguroheni që ai është i sigurt”, tha Higgins. “Më vjen mirë që ekuipazhi ynë ishte atje dhe ishte në gjendje të ndihmonte.”
Loughran tha: “Jam shumë i lumtur që gjithçka funksionoi”.
Vogëlushi u shpëtua pranë stacionit Tarrytown në Nju Jork pak pas orës 15:15 më 6 prill. Punonjësit arritën të gjenin nënën dhe motrën e djalit të cilat ishin duke qarë në një cep të rrugës. Pasi nëna dhe djali u takuan, ajo tregon se i biri është me autizëm.
Autoriteti i Transportit Metropolitan (MTA) i shpërbleu pesë nga punonjësit e trenit me lavdërime gjatë një ceremonie të hënën.
“Këta anëtarë të shkëlqyer të ekipit treguan cilësitë që duam që punonjësit tanë të shfaqin gjatë detyrës, vigjilent, të përgjegjshëm, të ditur dhe të dobishëm,” tha Presidentja e Metro-North Railroad dhe Presidentja e Përkohshme e LIRR, Catherine Rinaldi.
Top Channel
