Legjenda dhe zëvendëspresidenti i nderi të Milanit, Franko Barezi, foli për mikrofonat e “SKY” pas shortit në Ligën e Europës, ku kuqezinjtë do të përballen me skuadrën franceze Ren.
“Ne e dimë se në futboll nuk duhet të nënvlerësojmë askënd, Milani duhet të mendojë shumë, të jetë ambicioz. Skuadrat franceze janë shumë të veçanta, Milani për atë që është, çfarë përfaqëson, duhet të mendojmë për të fituar. Ne duhet ta luajmë këtë kompeticion në mënyrën më të mirë, ne jemi Milani dhe mendojmë shumë, pa nënvlerësuar askënd dhe me respekt. Kemi kohë, do të luajmë në shkurt, do të mund të rikuperojmë disa lojtarë dhe të menaxhojmë sa më mirë angazhimet.
Objektivat- “Nuk mendoj se duhet të zgjedhësh, çdo kompeticion duhet të luhet në mënyrën më të mirë, duke arritur sa më larg. Jemi në fillim të kampionatit, synimi është të rikthehemi në Champions, të shohim përpara pa humbur pikë, duke u konsoliduar dhe përmirësuar renditjen. Milani ka një skuadër për të konkurruar në të gjitha ngjarjet, si në Ligën e Europës ashtu edhe në Serinë A. Ju nuk mund të zgjidhni.”
A prisnit diçka më shumë?
“Është e qartë se nuk kishim vazhdimësinë që mendonim, grupi i Championsit ishte shumë i vështirë. Kur bëni një gabim në një lojë, komprometoni gjithçka. Kampionati është i gjatë, kur skuadra të gjejë shpirt dhe entuziazëm mund të bëjmë telashe deri në fund. Nëse të tjerët janë më të mirë, ne do të duartrokasim.”
PANORAMASPORT.AL
