Ndërkohë që pritet shpallja e vendimit të Gjykatës Kushtetuese për shkarkimin apo jo të Presidentit Ilir Meta, Ilir Yzeiri u shpreh sot se Meta ka zhveshur “mantelin” e rëndë të presidentit sapo u mandatua dhe e ka shkelur atë, duke bërë një nga fushatat më të egra në vitin 2017.
Deklarata e Yzeirit:
“Procesi po vështrohet nga të gjitha si një proces i zakonshëm gjyqësor, me një personazh publik mbi të cilin rëndon një akuzë. Të gjithë e kanë trajtuar si një shfaqje. Mirëpo Gjykata Kushtetuese, mblidhet, ose mund të mblidhen një herë në jetë për t’u marrë me kreun e shtetit. Nuk e di sa herë ka ndodhur që presidenti amerikan ka shkuar në Gjykatë? Mbaj mend Clinton që ka qenë për herë të fundit. Për tek ne kjo është për herë të parë dhe është nja ngjarje e rëndë. Në pamje të parë duket sikur nuk është asgjë, se presidenti do të shkarkohet, nesër do të jetë kryetar partie, por këtu qëndron tragjedia jonë. Ne nuk po e kuptojmë rëndësinë që ka ndërtimi i shtetit. Kjo ngjarje kaq e rëndë na ka prekur të gjithëve, thelbin e shtetit.
Në vendosëm në kryet të shtetit, jo vetëm që nuk na përfaqëson, jo vetëm që nuk na bashkon, nuk ka shpirtin e popullit, por sillet si një delinkuent. Që në momentin e parë që u mandatua si president, të nesërmen e zhveshi “mantelin” e rëndë të presidenti dhe e shkeli me këmbë. Ai më pas u turr në fushatën më të egër elektorale që ka bërë ndonjëherë. Meta si president është gabimi më i madh që ka bërë Edi Rama. Meta nuk e ka pranuar stofin e presidentin, ai e ka pranuar se është i njëanshëm sepse ka mbrojtur demokracinë siç ka thënë përballë Edi Ramës. Meta i bëri atentat Shqipërisë, kur ka dashur “t’i tregoi” vendin SHBA, aleatit tonë më të rëndësishëm. Meta s’ka formim profesional dhe kulturor. Kur Meta tha rrëmbeni sfurqet, kjo është metaforë, një krahasim i munguar, por thelbi jep një mesazh tjetër mos u bindi, ngrehuni dhe revoltohuni. Ku e gjen këtë të drejtë presidenti?”, është shprehur analisti.
