Shakira shikon nga e ardhmja pa harruar të kaluarën. Dhe në postimin social me të cilin këngëtarja kolumbiane përshëndeti vitin 2022, nuk mungon një thumbim ndaj ish-bashkëshortit të saj Gerard Piqué, ish-mbrojtës i Barcelonës dhe Spanjës, me një referencë jo shumë të mbuluar për tradhtinë e tij.
“Edhe pse plagët tona vazhdojnë të hapen në këtë vit të ri, koha i ka duart e një kirurgu, edhe nëse dikush na ka tradhtuar, ne duhet të vazhdojmë të besojmë.
“Përballë përbuzjes, vazhdo të vlerësosh veten. Sepse ka më shumë njerëz të mirë se njerëz të këqij. Më shumë empatikë se të papjekur. Sa më pak të largohen, aq më shumë qëndrojnë pranë nesh”.
Dhe përsëri: “Lotët tanë nuk harxhohen, ujisin tokën mbi të cilën do të lindë e ardhmja dhe na bëjnë më njerëzorë, që me zemër të thyer të vazhdojmë të duam”.
E ndër qindra dëshmitë e dashurisë për Shakirën, spikat ajo e Antonela Roccuzzo-s, bashkëshortja e kampionit të ri të botës, Lionel Messi (ish-shoku i skuadrës së Piques në kohën e Barcelonës) që e komentoi postimin me shumë zemra.
