Gazetari Mentor Kikia në ‘MCN Live’ ka komentuar lidhur me primaret në partinë Demokratike duke e cilësuar si një zhvillim pozitiv.
Ai tha se është një kapërcim i mirë për të mbjellë demokracinë por dhe të respektimit të anëtarëve të partisë për të vendosur ata për përfaqësuesit e tyre.
Sipas tij, sa i përket kandidatëve, duhet theksuar se gara është garë dhe se ‘lufta’ për të dëmtuar rivalin nuk është aspak antidemokratike.
“Së pari mendoj se është risi fakti që kandidati nuk po zgjidhet nga konjuktura politike dhe ky është zhvillim pozitiv jo vetëm për Partinë Demokratike por për të gjithë mjedisin politik shqiptar sepse është një kapërcim i mirë për të mbjellë demokracinë, por dhe të respektimit të anëtarëve të partisë për të vendosur ata për përfaqësuesit e tyre. Këtë fakt e shikoj risi pozitive. Pastaj dua të theksoj se në momentin që futesh në garë ajo mbetet garë, kështu që padyshim gara ka dy komponentë projeksionin tënd për atë që do bësh dhe lufta për ta dëmtuar kundërshtarin nuk është shpikur këtu dhe nuk është antidemokratike, nxjerrja në pah e dobësive të rivalit është normale. Megjithatë kisha diçka që lidhet me garën e brendshme, edhe pse është brenda familjes politike gara është garë, ata do të shkojnë para anëtarëve që kanë të drejtën e votës, dhe nëse ata do të jenë të gjithë njësoj me njeri-tjetrin kjo do të vështirësojë zgjedhjen e kandidatit nëse ata shkojnë krah për krah”, u shpreh Kikia.
Më tej Kikia theksoi se Tirana është qytet i madh dhe padyshim me të mirat dhe të këqijat e saj këtu do vazhdohet të jetohet, do ikin dhe do vijnë shumë kryetar bashkie, por sipas tij ata duhet të jenë njerëz me vizon dhe që mendojnë për perspektivate qytetit.
“Kandidatët nuk duhet të jenë njerëzit që mendojnë se çfarë do bëjnë brenda një mandati dhe çfarë do fitojnë, por duhet të mendojnë për perspektivat e ardhshme të qytetit. Dhe këtu kërkohet një horizont i kandidatit dhe mendoj se kjo garë duhet të karakterizohet në disa komponentë, që janë vizioni për standardet e të ardhmes. Ka emri ndikim, një emër i papërlyer që nuk ke ku ta kapësh për akuza për afera korruptive, emër që të dëshmojë vizion”, thekson gazetari.
