Një sulm izraelit vrau të paktën 70 njerëz të dielën në kampin e refugjatëve Al-Maghazi në qendër të Gazës, tha ministria e shëndetësisë e kontrolluar nga Hamasi.
“Ajo që po ndodh në kampin Maghazi është një masakër që po kryhet në një shesh banimi të mbushur me njerëz,” tha zëdhënësi i ministrisë Dr. Ashraf Al-Qidra në një postim në Telegram.
Ushtria izraelite ndërkohë tha se po merrte masa për të minimizuar dëmtimin e civilëve”.
Më shumë se 20,000 njerëz janë vrarë në Gaza që nga fillimi i konfliktit në fillim të tetorit, sipas ministrisë së shëndetësisë.
E shtuna ishte një nga ditët e saj më vdekjeprurëse, por Netanyahu tha se nuk kishte “zgjidhje” veçse të vazhdonte të luftonte.
Ndërkohë Papa Françesku bëri thirrje për paqe në Lindjen e Mesme ndërsa kryesoi një meshë në prag të Krishtlindjeve në Bazilikën e Shën Pjetrit në Vatikan.
Duke iu referuar luftës midis Izraelit dhe Hamasit, Papa tha se mesazhi i paqes i Jezusit po mbytet nga “logjika e kotë e luftës” në vendin ku ai kishte lindur.
Top Channel
