Makina e rrallë 1955 Mercedes shitet për 143 mln dollarë

by admin
Spread the love
Thyen rekordin e Ferrari-t duke u bërë automjeti më i shtrenjtë i shitur në histori

 

Një makinë e rrallë garash Mercedes-Benz është shitur në fillim të muajit për 143 milionë dollarë, duke u bërë automjeti më i shtrenjtë i shitur në histori. RM Sotheby’s njoftoi se shiti në një ankand një Mercedes-Benz 300 SLR Uhlenhaut Coupé të vitit 1955 për 135 milionë euro (143 mln dollarë).

Shitja thyen rekordin e mëparshëm për makinën më të shtrenjtë të shitur në ankand me më shumë se 95 milionë dollarë dhe kaloi rekordin prej 70 milionë dollarësh për një makinë të shitur privatisht.

Oferta fituese u bë nga koleksionisti, këshilltari dhe tregtari britanik Simon Kidston, në emër të një klienti të panjohur. Kidston ushtroi presion për rreth 18 muaj te këshilli i administrimit të Mercedes-Benz që të merrnin në konsideratë shitjen e automjetit.

Shitja, e raportuar për herë të parë nga Hagerty Insider, u zhvillua më 5 maj, në një ankand të fshehtë dhe të pazakontë në Muzeun e Mercedes-Benz në Shtutgart të Gjermanisë. Në ankand ishin të ftuar të merrnin vetëm koleksionistë të zgjedhur dhe klientë të Mercedes-Benz.

300 SLR Uhlenhaut Coupé është një nga dy veturat e krijuara në vitin 1955 dhe konsiderohet një nga automjetet më të çmuara në historinë e automobilave. Ajo u ndërtua nga reparti i garave të Mercedez dhe ka marrë emrin e inxhinierit dhe projektuesit kryesor, Rudolf Uhlenhaut.

Makina u frymëzua nga W 196 R të Grand Prix, e cila kishte fituar dy Kampionate Botërore me pilotin Juan Manuel Fangio. 300 SLR kishte një motor më të madh, 3,0 litra dhe ishte në gjendje të arrinte 180 milje në orë, duke e bërë atë një nga makinat më të shpejta në rrugë në atë kohë.

Kompania Mercedes-Benz zotëronte të dyja makinat 300 SLR dhe shitja më 5 maj ka çuditur shumë koleksionistë.
“Është e arsyeshme të thuhet se askush nuk e kishte çuar ndonjëherë në mend se kjo makinë do të ofrohej ndonjëherë në shitje, kështu që për Mercedes-Benz t’i kërkonte RM Sotheby’s të zhvillonte ankandin ishte një nder absolut”, tha Peter Wallman, president i RM Sotheby për Mbretërinë e Bashkuar dhe EMEA.

Mercedes-Benz deklaroi se do t’i dhurojë të ardhurat për të krijuar një fond për bursa studimi dhe kërkime arsimore në mjedis dhe dekarbonizimin.

Para kësaj shitje, makina më e shtrenjtë e shitur në ankand ishte një Ferrari 250 GTO e vitit 1962, për 48.5 milionë dollarë, në RM Sotheby në 2018. Një Ferrari GTO e vitit 1963 u shit privatisht në vitin 2018 për 70 milionë dollarë.

/ CNBC


Monitor sipas Ligjit Nr. 35/2016, “Për të drejtat e autorit dhe të drejtat e lidhura me to”. sipas Ligjit Nr. 35/2016, “Për të drejtat e autorit dhe të drejtat e lidhura me to”.
Monitor “Revista Monitor” shoqëruar me linkun e artikullit original.

You may also like