Raporti i Komisionit Evropian konfirmoi, VMRO-DPMNE dhe Mickoski janë frenuesit kryesorë në rrugën evropiane dhe në reformat e vendit, akuzojnë nga LSDM.
“Raporti thekson konstatimin shkatërrues se partia kryesore opozitare VMRO bllokoi në mënyrë aktive punën parlamentare, e cila ishte një pengesë e rëndësishme për përparimin.
Megjithatë, pavarësisht pengesave të opozitës, shteti vijon të plotësojë kushtet për rifillimin e negociatave për anëtarësim.
Bllokadat dhe pengesat e VMRO-DPMNE-së dhe Mickoskit në Kuvendin e Maqedonisë duhet të mposhten për hir të të gjithë qytetarëve dhe për të ardhmen e vendit”, tha LSDM.
