Kryetari i Komunës së Drenasit, Ramiz Lladrovci, ka thënë se kryeministri Albin Kurti, ua ka lejtuar kryetarëve të komunave serbe që të veprojnë vet si të duan dhe të mos e pranojnë Kosovën si shtet.
Ai ka reaguar edhe për shkarkimin e Goran Rakiqit nga pozita e ministrit për Kthim dhe Komunitete nga Qeveria e Kosovës.
“Tash edhe me dashtë, nuk ka vlerë shkarkimi i Rakiqit. Qysh po shihet, krejt serbët nën ndikim e partisë së Rakiqit po largohen nga institucionet e Republikës së Kosovës”.
“Ata po bëjnë çka po duan, ua lejoi Kurti të flasin e të bëjnë çka të duan. Nuk i ndëshkoi ata që e fyen e mohuan ekzistencën e Republikës së Kosovës. Veprimi politik i vonuar, është vendim i gabuar!”,ka shkruar Lladrovci.
