Napoli dhe Interi luajnë sot në Riad finalen e Superkupës së Italisë. Të dy skuadrat kërkojnë këtë trofe për të nisur sa më mbarë vitin. Për Simone Inzgain kjo do të ishte Superkupa e pestë në karrierë nëse e fiton, ndërsa për Maxarrin e para.
Për të dy klubet, në lojë janë edhe 3 milionë euro, pasi fituesi i Superkupës merr në total 8 milionë euro nga aktiviteti, ndërsa humbësi i finales, ndalet në kuotën e 5 milionë eurove.
Në formacionin e Napolit bie në sy prania e Zerbin si titullar në vend të Mario Rui, me djaloshin i cili shënoi dy gola ndaj Fiorentinës që do të ketë përsëri shansin e tij në finale. Edhe pse lojtari pritet të jepet në huazim te Sasuolo, Maxarri ka vendosur që ta aktivizojë sot në finale.
Ndërsa te Interi, do të mungojë Bastoni i cili nuk është në formën më të mirë fizike. Vendin e tij e merr Açerbi, me De Vraj që do të jetë në qendër të prapavijës.
LIVE NAPOLI-INTER 0-0
NGJARJET KRYESORE
51’ Kundërsulm i napolitanëve me Kvaratskhelia i cili tenton të gjejë golin ne shtyllën e largët, Zomer është i aftë të grushtojë jashtë. (VIDEO)
49’ Politano ekzekuton një goditje dënimi, topi kalon mbi traversën e portës së Zomer (VIDEO)
45’+1′ Mbyllet pa gola pjesa e parë.
43’ Mkhitarjan nis Turam drejt zonës, sulmuesi kalon Golinin por shtyn topin më shumë se duhet dhe mbrojtja largon rrezikun. (VIDEO)
38’ Turam nga e majta niset në kundërsulm pason për Lautaro Martinez i cili çon sferën në rrjetë, por goli anulohet për pozicion jashtë loje të francezit. (VIDEO)
31’ Açerbi harkon nga e majta, Lautaro tenton me kokë por nuk gjen portën. (VIDEO)
18’ Turam dhe Lautaro nxjerrin Mkhitarjan në pozicion gjuajtje, armeni fluturon topin mbi traversë. (VIDEO)
15’ Shkëndija e parë e mirëfilltë e ndeshjes vjen me një gjuajtje të Dimarkos nga jashtë zonës, me topin që shkon jashtë ngjitur me shtyllën. (VIDEO)
1’ Nis dueli në Riad.
FORMACIONET ZYRTARE
NAPOLI (3-4-2-1): Golini; Di Lorenco, Rrahmani, Zhuan Zhezus; Mazoki, Kajust, Lobotka, Zerbin; Politano, Kvaratskhelia; Simeone.
Trajner: V. Maxarri
INTER (3-5-2): Zomer; Pavar, De Vraj, Açerbi; Darmian, Barela, Çalhanollu, Mkhitarian, Dimarko; Turam, Lautaro Martinez.
Trajner: S. Inzagi
PANORAMASPORT.AL