E ardhmja e Renato Sanches është ende në udhëkryq. Për mesfushorin portugez momentalisht ka vetëm një ofertë zyrtare nga Milani i cili kërkon të mbyllë marrëveshjen sa më parë.
Mediat italiane ndërkohë raportojnë se Lille ka pranuar ofertën e kuqezinjve. Ata kanë ofruar rreth 18 milionë euro për kartonin e Sanches, një shifër që e ka bindur ekipin francez për të lënë të lirë lojtarin.
Megjithatë, është vetë Renato Sanches që nuk po lejon të ndodhë ky transferim. Ai ka prioritet transferimin e tij drejt PSG dhe të bashkohet me ish-trajnerin e tij Christophe Galtier. /oversport.tv
Foto: LOSC, Facebook
