Ndeshjet e kësaj të enjte në Ligën e Europës, kanë bërë që të sigurojnë biletën për në turin tjetër shumë ekipe të njohura, të cilat kanë kaluar fazën në grupe, por disa prej tyre, nuk e dinë ende se në cilën faze të turneut do të vazhdojnë, nëse do të marrin pjesë në play-off ndaj skuadrave të Ligës së Kampioneve, apo do të shkojnë në 16-she.
Kjo për shkak se shumë grupe janë të hapura dhe gjithçka do të vendoset në ndeshjet e fundit të ekipeve, të cilat janë në garë për të vazhduar më tej në këtë turne që këtë vit ka shumë emra të rëndësishëm që kanë synime për trofeun.
Vetëm Liverpul, Bajer Leverkusen dhe Atalanta janë të sigurta për pjesëmarrjen në 16-she, pasi kanë blinduar vendi e parë në grupet përkatëse. Gjithashtu, Sporting Lisbona është në play-off pasi është matematikisht e sigurt në vendin e dytë.
Ndërkohë, janë 8 skuadra të tjera të cilat kanë siguruar praninë në turin tjetër por nuk dinë ende se në cilin tur do të vazhdojnë, falë pozicionimit përfundimtar në grup që do të mësohet vetëm nga ndeshjet e fundit.
LIGA E EUROPËS / TË KUALIFIKUARA
Liverpul (Në 16-she)
Bajer Leverkusen (Në 16-she)
Atalanta (Në 16-she)
Uest Hem
Brajton
Fraiburg
Olimpik Marsejë
Ren
Roma
Vijareal
Slavia Pragë
Sporting Lisbonë (play-off)
Jang Bojs (play off nga Liga e Kampioneve)
Fejnord (play off nga Liga e Kampioneve)
PANORAMASPORT. AL
