Napoli ka bërë një hap fals, duke luajtur baras me Veronan, derisa Lazio ka shënuar fitore të lehtë ndaj Salernitana.
Skuadra e Amir Rrahmanit, si lidere e tabelës në kampionatin italian, ka luajtur 1:1 në shtëpi kundër Veronas..
Ndonëse në këtë ndeshje shiheshin si skuadër favorite, ata nuk arritën më shumë sesa një pikë.
Golin e parë në këtë ndeshje e gjeti Verona, me anë të Simeone në minutën e 13’, kurse Di Lorenzo barazoi pesë minuta më vonë dhe vulosi rezultatin e takimit.
Verona mbeti me 9 lojtarë, pasi në minutën e 88′ Bessa u ndëshkua me kartonin e dytë të verdhë, kurse Kalinic njësoj doli nga loja në minutën e 93′, por kjo nuk ndryshoi asgjë në rezultat deri në fundin e takimit.
Lazio në anën tjetër fitoi 3:0, duke i dhënë leksione skuadrës së Salernitana.
Immobile dhe Pedro shënuan në minutat 31’ e 36’ për epërsinë e dyfishtë në pjesën e parë, shkruan Periskopi. Në pjesën e dy të Lazio gjeti edhe një gol me anë të Luis Alberto, në minutën e 69’ për të vulosur tri pikët me 3:0.
Tani, Lazio numëron 21 pikë në pozitën e pestë, kurse Napoli ka 32 pikë në pozitën e parë, por mund ta humb këtë pozitë nëse Milan fiton ndaj Inter sonte. Verona numëron 16 pikë, ndërsa Salernitana mbetet me shtatë pikë.
