Marotta dhe Ausilio synojnë që të mbajnë premtimin që i kanë dhënë teknikut Inzaghi: nuk do të ketë asnjë revolucion dhe nga skuadra nuk do të largohet asnjë lojtar i rëndësishëm në këto 2 javë të fundit të merkatos së verës.
Pozicioni i drejtuesve zikaltër është i qartë dhe i është shprehur hapur pronarëve të klubit në një takim që ka ndodhur mbrëmjen e djeshme.
Nëse nuk ka ndonjë ofertë “të frikshme” që mund të ndryshojë rrjedhën e gjerave (vetëm nëse PSG ofron më shumë se 85 milionë euro, atëherë mbrojtësi mund të largohet), atëherë me siguri qëndrimi i Skriniar është vulosur mbrëmjen e djeshme.
Klubi zikaltër ka fituar rreth 40 milionë euro nga shitjet e kësaj vere dhe duket se Zhang është bindur që të mos dobësojë skuadrën, për të rregulluar bilancet e klubit. / Oversport.tv
Foto: Inter Facebook
