Deputeti Bekim Haxhiu s’i ndaloi kritikat edhe për pjesëtarët tjerë të qeverisë të cilët ai konsideron që kryeministri Albin Kurti po i mbron.
“Kurti po i mbron hajnat e energjisë, të vajit, të ujit ai po i mbron ata edhe që shesin mish të Brazilit si të Kosovës, nuk ka pas qeveri që ka vjedhë më shumë” shtoi Haxhiu.
Mes tjerash Haxhiu foli për formimin e komisioneve hetimore që po formohen në Kuvendin e Kosovës.
Deputeti tha që nuk ka vullnet nga deputet e pozitës që të punohet dhe të zbulohen edhe dyshimet për të cilat formohet ai komision.
“Deputetët e pozitës vijnë në komision dhe e bllokojnë punën për ta zbuluar hajninë që është bërë në energji” shtoi Haxhiu.
Deputeti i Partisë Demokratike i përmendi edhe tekstet shkollore për të cilat po ashtu në kuvend mori shumë kritika.
