Kryeministri i Katarit Sheikh Mohammed bin Abdulrahman bin Jassim Al-Thani theksoi nevojën për një armëpushim në Gaza.
Përmes një telefonate me Sekretarin Amerikan të Shtetit, Antony Blinken, zyrtari ripohoi angazhimin e Katarit për përpjekje të vazhdueshme për rivendosjen e qetësisë në rajon.
Muajin e kaluar, Katari ndërmjetësoi një marrëveshje midis Izraelit, Hamasit dhe Egjiptit, në koordinim me Shtetet e Bashkuara, për lirimin e shtetasve të huaj dhe civilëve palestinezë të plagosur rëndë nga Gaza në Egjipt, sipas burimeve të njohura me bisedimet.
Të dielën, kryeministri shprehu shqetësimin se vazhdimi i bombardimeve në Rripin e Gazës pas asaj pauze humanitare ndërlikon përpjekjet e ndërmjetësimit dhe përkeqëson krizën humanitare.
Al-Thani theksoi se Katari dënon ashpër të gjitha format e shënjestrimit të civilëve, veçanërisht grave dhe fëmijëve, duke theksuar se veprime të tilla, duke përfshirë politikën e ndëshkimit kolektiv, janë të papranueshme në asnjë rrethanë. Sipas deklaratës, kryeministri nënvizoi kërkesën urgjente për hapjen e korridoreve humanitare për të siguruar kalimin e sigurt të ndihmave për palestinezët e prekur nga konflikti i vazhdueshëm.
Top Channel
