Pasi u kontrollua nga Policia Kantonale e Aargaut në autostradën A1 afër Badenit, një kosovar tentoi të arratiset. Ai u godit nga një makinë dhe u plagos rëndë
Ndodhi të Premten e Madhe, rreth orës 2:30 të mëngjesit. Një grua po qarkullonte në autostradën A1 në drejtim të Cyrihut kur 32-vjeçarja ka dashur të marrë daljen Baden-West. Në korsinë e daljes, vetura e llojit Vë Golf goditi një këmbësor që po ecte atypari. Burri ka mbetur i plagosur rëndë, ndërsa është dërguar në spital me ambulancë. Vozitësja është shokuar nga ngjarja.
Sipas Policisë Kantonale të Aargaut, personi është një kosovar (34) dhe nuk ka vendbanim të përhershëm në Zvicër, përcjellë portali Shtegu. Ai është arrestuar dhe i është ndaluar hyrja në vend.
Gjysmë ore para aksidentit, 34-vjeçari kishte tërhequr vëmendjen negative në një pikë karburanti aty pranë për shkak të një debati. Kur arriti policia, burri u largua me vrap dhe fillimisht u zhduk. Sipas hetimeve fillestare, ai tani kishte thirrur dikë për ta marrë. Më pas ndodhi aksidenti. Tani janë duike u përcaktuar rrethanat e sakta. Prokuroria publike ka hapur një hetim.
