Pasi dha spektkalër për rreth 66 minuta në “Allianz Stadium” në sfidën debutuese, Angel Di Maria u detyrua të largohej nga fusha sepse ndjeu një dhimbje në këmbën e majtë. Ndërkohë që të gjithë te Juventusi ishin në ankth, vetë trajneri i “Zonjës” qetësoi këdo duke u shprehur se nuk është asgjë shqetësuese.
Megjithatë, ditën e sotme janë kryer edhe vizitat e nevojshme për të parë gradën e dëmtimit të yllit argjentinas. Ai ka një tërheqje të shkallës së ulët dhe për këtë arsye është i detyruar të qëndrojë jashtë fushave të paktën 10 ditë.
Një dëmtim që është i përsëritur për Angel Di Maria i cili gjithashtu do t’i nënshtrohet vizitave të tjera pas 10 ditësh. Ylli argjentinas shkëlqeu në ndeshjen e tij debutuese në Serie A, ndërsa realizoi një gol si dhe asistoi në një nga golat e Dusan Vlahovic. /oversport.tv
Foto: JuventusFC, Twitter