Komisioni anketues, i formuar nga Kuvendi për konfirmimin e përgjegjësisë për skandalin e Klinikës për radioterapi dhe onkologji, sot do të vazhdojë me punë, duke dëgjuar dëshmitarë dhe ekspertë, si dhe duke shqyrtuar aktet dhe dokumentet.
Në seancën e djeshme të Komisionit janë dëgjuar ish-ministri i Shëndetësisë Venko Filipçe dhe ministri aktual, Fatmir Mexhiti.
Paraprakisht, në seancë dëgjimore para Komisionit anketues ishte edhe ish-ministri Bekim Sali, si dhe ministri i Punëve të Brendshme, Oliver Spasovski.
Komisioni anketues për rastin me Klinikën për radioterapi dhe onkologji u formuar më 29 shtator, pasi Prokuroria Publike ka hapur procedurë parahetimore për këtë rast, pas raportimeve në media për keqpërdorime eventuale të pozitës së punës dhe parregullësitë në trajtimin e pacientëve nga kjo klinikë.
