TIRANË, 20 mars/ATSH/- Leo Varadkar, i cili po jep dorëheqjen si lider i “Fine Gael”, një parti politike liberal-konservatore dhe kristiandemokrate dhe kryeministër irlandez, ka bërë histori për shumë arsye kur u bë kryeministër, sipas BBC.
Jo vetëm që ai ishte personi i parë nga një prejardhje e pakicave etnike që mbajti postin, por ishte gjithashtu lideri më i ri dhe i parë homoseksual i Irlandës.
Ai është djali i një infermiereje me origjinë irlandeze dhe i një mjeku me origjinë indiane. Ai ishte vetëm 38 vjeç kur filloi mandatin e tij të parë si drejtues në vitin 2017.
Në atë kohë, ai shihej gjerësisht si mishërues i liberalizimit të një vendi që dikur konsiderohej si një nga më konservatorët socialë në Evropë.
Ai shërbeu dy herë si kryetar në qeveritë e koalicionit, fillimisht nga qershori 2017 deri në qershor 2020 dhe më pas përsëri nga dhjetori 2022.
Mandati i tij i parë u dominua nga përgjigja e fortë e Irlandës ndaj Brexit dhe këmbëngulja se asnjë “kufi i fortë” nuk mund të rivendosej midis Irlandës së Veriut dhe Republikës së Irlandës.
Ndërsa pandemia e Covid-19 filloi të përhapej me shpejtësi në Evropë, partia “Fine Gael” e Varadkar humbi vendet në zgjedhjet e përgjithshme në shkurt 2020.
U deshën disa muaj për të formuar një qeveri të re koalicioni me “Fine Gael” duke u bashkuar me rivalët e vjetër të Luftës Civile në partinë “Fianna Fáil” për të ndarë pushtetin në një marrëveshje të pazakontë e “liderit rrotullues”.
Udhëheqësi i ardhshëm irlandez lindi më 18 janar 1979 në Dublin.
Babai i tij Ashok, një mjek nga Mumbai u njoh nënën e tij Miriam, një infermiere irlandeze, ndërsa punonin në Slough në Berkshire. Çifti u vendos në Irlandë në vitet 1970.
Vendi në të cilin u rrit Varadkar ishte shumë ndryshe nga sot.Deri në vitet 1990, homoseksualiteti dhe divorci ishin të paligjshme.
Kishte pak migrantë dhe Republika e Irlandës ishte një nga anëtarët më të varfër të BE-së.
Varadkar ndoqi rrugën e babait të tij në mjekësi, duke u kualifikuar si mjek i përgjithshëm në 2010.
Ai u bë këshilltar në moshën 24 vjeç dhe në vitin 2007 u zgjodh në parlamentin irlandez, Dáil Éireann.
‘Folës i drejtë’
Ai u ngrit në pushtet pas një dekade të turbullt lulëzimi. Ekonomia “Celtic Tiger”e Irlandës u rrëzua në mënyrë spektakolare në vitin 2007 në mes të krizës financiare mbarëbotërore dhe qeverisë së mëparshme iu desh të pranonte një paketë shpëtimi ndërkombëtar prej 71 miliardë paundësh.
Pas kësaj, “Fine Gael” erdhi në pushtet në krye të një koalicioni në vitin 2011 dhe Varadkar mori emërimin e tij të parë si minister i Transportit, turizmit dhe Sportit.
Në vitin 2014, ai u bë ministër i Shëndetësisë i Irlandës.
Në vitin 2015, ai doli hapur si homoseksual në një intervistë për transmetuesin kombëtar irlandez, RTÉ.
Disa muaj më vonë, Irlanda votoi në një referendum për legalizimin e martesës së të njëjtit seks.
Në moshën 38-vjeçare, ai u bë kryeministri më i ri i Irlandës.
Trazirat dhe referendumet
Mandati i tij i dytë si kryetar ka qenë i rrethuar nga probleme, duke përfshirë krizën e kostos së jetesës, e përkeqësuar nga lufta në Ukrainë.
Qeveria irlandeze ka luftuar për të strehuar mijëra refugjatë ukrainas në një kohë kur vendi po përjetonte një krizë të të pastrehëve.
Në nëntor 2023, pjesa më e madhe e qendrës së qytetit të Dublinit u përfshi nga trazira serioze të cilat u nxitën nga therja me thikë e fëmijëve jashtë një shkolle.
Forcat policore të vendit dhe përgjigja e qeverisë ndaj trazirave u kritikua gjerësisht.
Në fillim të këtij muaji, qeveria e Varadkar pësoi një humbje të madhe kur votuesit me shumicë dërrmuese kundërshtuan kërkesën për të ndryshuar kushtetutën përmes dy referendumeve.
Propozimet për të ndryshuar formulimin në kushtetutë për të përfshirë familjet që nuk bazohen në martesë u rrëzuan me 67,7% vota.
Një ndryshim i dytë i propozuar në formulimin rreth rolit të gruas në shtëpi u refuzua me 73,9% të votuesve.
Kjo ishte përqindja më e lartë e pa votuar ndonjëherë në një referendum irlandez. //a.i/
