KIEV, 15 shtator /ATSH-DPA/-Presidenti ukrainas, Volodymyr Zelensky është përfshirë në një aksident automobilistik në Kiev, tha sot në mëngjes zëdhënësi i tij.
”Një automjet u përplas me mjetin e Zelensky, si dhe me makina të tjera në autokolonën e tij”, njoftoi zëdhënësi Sergii Nykyforov në një postim në Facebook.
“Zelensky u ekzaminua nga një mjek dhe nuk ka lëndime”, tha Nykyforov duke mos dhënë detaje të mëtejshme.
“Mjekët e ndihmës së shpejtë e dërguan shoferin e makinës tjetër në spital ndërsa policia vazhdon të hetojë incidentin”, tha zëdhënësi.
Zelensky vizitoi dje qytetin e rimarrë së fundi të Izyumit në Ukrainën Lindore./ /a.i/
